(قبل السقوط... يوميات النزوح من الجنوب)
الجزء الأول
الليلة عندي نفس شعور ليلة العاشر، وكل الوقت براسي "يا ليل طوّل ساعاتك"، بلشت القصص من الليلة تصعب، وبكرا رح يكون نهار أصعب بالمشاعر وبقبضة القلب، خصوصي انو عشنا هالوجع لحظة بلحظة، واكيد ما لحقنا ننسى، كانت ليلة صعبة قبل ما يتأكد الخبر!
وقت اخدنا قرار انو نفل من الجنوب بيوم عادي الصبح، ما كان عادي لانو عشنا ليلة عم نسمع اصوات انا شخصيا اول مرة بسمعها، امي نزلت بسيارة وانا بسيارة وكنا رايقين، مرقت عالمكتبة اخدت كم غرض، وقلت بنزل مع امي مننام بالضيعة وبكرا برجع بفتح المكتبة (هيك كنت عم قول بيني وبين حالي)، وصلنا عالضيعة وبعد نص ساعة بلشنا نسمع اخبار الضرب العشوائي، قرر بيي يلحقنا لانو القصف صار قريب ع بيتنا بالجنوب، وعلق بعجقة الغازية مع اللي علقوا ووصل الساعة 12 بالليل لعنا.
مقتطفات من قصة قصيرة او رواية لم أحدد ماهيتها بعد!
المشاركات
ليست هناك تعليقات:
إرسال تعليق